Home / Islam / Ramadan-ul-Mubark Main Rozay Ka Maqsad

Ramadan-ul-Mubark Main Rozay Ka Maqsad

Ramadan ul Mubark Main Rozay Ka Maqsad

Ramzan ul Mubark main Rozay ka maqsad
Ramzan ul Mubark main Rozay ka maqsad
Irshad e Bari Tala hay
Emaan waloon tum per Rozay farz kiye gaye jis tarah tum se pehlay loogon per farz kiye gaye thay takay tum MUTTAQEE aur PERHAIZGAAR ban jao .
“(Al.Baqra 2:183)
is Aayat se humain maloom hota hay k rozay kee farziyat ka maqsad humain parhaizgaar aur taqwa kee rawish ikhtiyaar kernay k liye hay. is liye ramzan main is maqsad k husool ko samnay rakhna nehayat zarori hay .
Piyare Nabi Muhammad sallallahu alaihee wa sallam farmate hain k
jis shakhs ne emaani kaifiyate aur ehtasaab k saath ramzan ka  roza rakha,tu Allah tala us k un tamam gunahoon ko maaf farma de ga jo us se pehlay ho chukay hain .
” (Bukhari)
lehaza ramzan k pooray rozay ehtamaam k saath rakhiye aur kisi shadeed beemari ya uzar e sharai k baghair koi roza nahi chourain Piyare Nabi sallallahu alaihee wa sallam ne irshaad farmaya k
“jis ne kis shadeed beemari ya uzar e sharai k baghair ek roza bhi choura  tu umar bhar  k rozay rakhnay se bhi us ek rozay kee talafee nahi ho sakay gee.
” (Tirmizi)
Rozay ko DHAAL se tashbeeh de gai hay is liye Rozay kee halat main apni zuban se BAYSHARMEE kee baat na nikalain aur na hee shoor o hangama karain balkay ager koi fazool goi karay ya larai aur galam galooch kernay ker aamada ho tu us se keh dein k main rozay se hoon rozay main jhoot se parhaiz karain , Piyare Nabi Muhammad sallallahu alaihee wa sallam ne farmaya”Jis shakhs ne roza rakh ker bhi jhoot bolna aur jhoot per amal kerna na choura tu Allah tala ko us k bhooka aur piyasa rehnay se koi dilchaspee nahi.”
Piyare nabi sallallahu alaihee wa sallam ne ek aur jagha farmaya k
“ramzan ka maheena aaraha hay jo bari barkat wala hay Haq tala shana is main tumharee taraf mutawajha hotay hain aur apni rehmat e khass nazil farmatay hain , khataoon ko maaf farmate hain , duaoon ko qubool farmatay hain. badnaseeb hay wo shakhs jo is maheenay main bhi Allah tala kee rehmat se mehroom rehjaye .
(Tibraani)
ramzan ul mubarak main Allah kee rah main dil khool ker kharch karain aur ghurba aur masakeen kee jis qadar ho sakay madad karain . ramzan k ikhtatam per SADA E FITR (fitrana) zaror ada karain ek hadees k mutabiq Rozoon kee qubooliyat FITRANA k baghair nahi hogi .

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.